Skip to main content

Featured

સમગ્ર શિક્ષા ગુજરાતના સ્ટેટ પ્રોજેક્ટ ડાયરેક્ટર શ્રી જે. રંજીથકુમારની ચીખલી તાલુકાની શાળાઓની મુલાકાત: એક પ્રેરણાદાયી પગલું.

સમગ્ર શિક્ષા ગુજરાતના સ્ટેટ પ્રોજેક્ટ ડાયરેક્ટર શ્રી જે. રંજીથકુમારની ચીખલી તાલુકાની શાળાઓની મુલાકાત: એક પ્રેરણાદાયી પગલું. આજના ઝડપી વિશ્વમાં શિક્ષણ વ્યવસ્થાને મજબૂત બનાવવી એ દરેક સરકારી અધિકારીની પ્રાથમિકતા છે. તારીખ ૨૧ ઓગસ્ટ ૨૦૨૫ના રોજ, માનનીય શ્રી જે. રંજીથકુમાર સાહેબ (આઈ.એ.એસ.), સ્ટેટ પ્રોજેક્ટ ડાયરેક્ટર, સમગ્ર શિક્ષા ગુજરાત દ્વારા ચીખલી તાલુકાની વિવિધ શાળાઓની મુલાકાત લેવામાં આવી હતી. આ મુલાકાતમાં શૈક્ષણિક કાર્યો, ભૌતિક સુવિધાઓ, શિક્ષણની વિવિધ યોજનાઓ, મધ્યાહ્ન ભોજન (એમડીએમ) અને અન્ય બાબતોનું ઝીણવટપૂર્વક નિરીક્ષણ કરવામાં આવ્યું. આ પ્રકારની મુલાકાતો શિક્ષણની ગુણવત્તા વધારવા અને વિદ્યાર્થીઓને વધુ સારી સુવિધાઓ પૂરી પાડવા માટે અત્યંત મહત્વપૂર્ણ છે. શ્રી રંજીથકુમાર સાહેબે શિક્ષકો અને વિદ્યાર્થીઓ સાથે વાતચીત કરીને તેમના અનુભવો અને સુઝાવો મેળવ્યા. આવી વાતચીતથી શિક્ષણ વ્યવસ્થામાં જરૂરી સુધારાઓને વેગ મળે છે. સમગ્ર શિક્ષા ગુજરાત કાર્યાલય તરફથી આ પ્રકારની મુલાકાતો નિયમિતપણે કરવામાં આવે છે, જેથી રાજ્યમાં શિક્ષણને વધુ અસરકારક બનાવી શકાય. આ મુલાકાતના કેન્દ્રમાં રહેલા શ્રી જે. રંજીથકુમાર એક અનુભવ...

કલોલ ખાતે યોજાનાર જિલ્લા કક્ષાના સ્વાતંત્ર્ય પર્વનું રિહર્સલ જિલ્લા વિકાસ અધિકારીશ્રીની ઉપસ્થિતિમાં યોજાયું

કલોલ ખાતે યોજાનાર જિલ્લા કક્ષાના સ્વાતંત્ર્ય પર્વનું રિહર્સલ જિલ્લા વિકાસ અધિકારીશ્રીની ઉપસ્થિતિમાં યોજાયું
ગાંધીનગર: મંગળવાર: ગાંધીનગર જિલ્લા કક્ષાના સ્વાતંત્ર્ય પર્વની ઉજવણી કલોલ ખાતે એચ.જી. મ્યુનિસિપલ આર્ટસ એન્ડ સાયન્સ કોલેજ, વખારીયા હાઇસ્કુલ ખાતે કરવામાં આવશે. આ રાષ્ટ્રીય પર્વ નિમિત્તે ગાંધીનગર જિલ્લા કલેકટર શ્રી મેહુલ દવે રાષ્ટ્રધ્વજ ફરકાવી સલામી આપશે. આજરોજ આ કાર્યક્રમનું રિહર્સલ જિલ્લા વિકાસ અધિકારી શ્રી બી.જે.પટેલની ઉપસ્થિતિમાં યોજાયું હતું. કલોલ ખાતે યોજાનાર જિલ્લા કક્ષાના સ્વાતંત્ર્ય પર્વની ઉજવણી ઉત્સાહભેર અને સુવ્યસ્થિત આયોજન પૂર્વક થાય તે માટે સ્વાતંત્ર્ય પર્વનું રિહર્સલ યોજાયું હતું. આ પ્રસંગે જિલ્લા વિકાસ અધિકારી શ્રી બી.જે.પટેલે બાળકો, નગરજનો અને આમંત્રિત મહાનુભાવોની બેઠક વ્યવસ્થા, પીવાના પાણીની સુવિઘા, સુશોભન, મંડપ જેવી વિવિધ વ્યવસ્થાનું બારીકાઇથી નિરીક્ષણ કર્યું હતું. તેમણે બાળકો દ્વારા રજૂ થનાર દેશ ભક્તિના સાંસ્કૃતિક કાર્યક્રમો પણ નિહાળ્યા હતા. ત્યારબાદ અધિકારીઓ સાથે સ્થળ પર બેઠક કરીને જરૂરી બાબતો પર ધ્યાન દોર્યું હતું. સ્વાતંત્ર્ય પર્વના રિહર્સલ કાર્યક્રમમાં અધિક નિવાસી કલેકટર શ્રી દિગંત બ્રહ્મભટ્ટ, કલોલ પ્રાંત અધિકારી શ્રી જૈનિલ દેસાઇ, પ્રોટોકલ નાયબ કલેકટર શ્રી અર્જુનસિંહ વણઝારા, જિલ્લા શિક્ષણાધિકારી શ્રી ર્ડા. બી.એન.પ્રજાપતિ, કાર્યપાલક ઇજનેર શ્રી કે.ડી.પટેલ સહિત સંબંધિત અધિકારીઓ ઉપસ્થિત રહ્યા હતા.

કલોલ ખાતે યોજાનાર જિલ્લા કક્ષાના સ્વાતંત્ર્ય પર્વનું રિહર્સલ જિલ્લા વિકાસ અધિકારીશ્રીની ઉપસ્થિતિમાં...

Posted by Info Gandhinagar GoG on Tuesday, August 13, 2024

Comments